Condroz & western

by William Dunker

Luvé au tchant du coq, avou mès manètès lokes,
Dji m'va minnér lès vias, lès vatches-èt lès torias
Dins lès prés, lès pachis, Dins lès prés, lès pachis...
On pout dîre v'la l'sokia, l'èwaré, èl sézi...
A l'Europe, dji vos l'di, èl fameû moncha d'bûre,
C'èst grâce a mi droci! Oyi, dji d'è seû seur!

Dji seû coboye a l'ouèss' du Condroz,
Naulène vaut bén le Colorado,
Dji seû z-in pôve coboye èt patavau lès voyes,
T'ossi râde k'èl vint d'bîje, su lès tchavéyes, lès tîdjes,
Dji pèdale come in sot, o...o...o...su m'pèdale stîle vélo...

Kand c'èst l'fièsse, èl ducasse, dji vûde sakantès pintes
Au cabarèt dèl place èyèt pou lès fé
diskinte
Èt pou k'lès djouweûs d'cautes... Èm pay'nut sakantès-autes,
Dji tchante Luis Mariano : "Mexicooo"...
èt "Sur mon ch'val au grand galop"...

Dji seû coboye a l'ouèss' du Condroz,
Naulène vaut bén le Colorado,
Dji seû z-in pôve coboye èt patavau lès voyes,
T'ossi râde k'èl vint d'bîje, su lès tchavéyes, lès tîdjes,
Dji pèdale come in sot, o...o...o...su m'pèdale stîle vélo...

Èl Walonîye, on pout l'dîre n'èst né co si foutûwe,
Avou tout' sès bounès bîres, èl couléye continûwe...
Mès mi, dji seû in lon'zom' pinteû,
coboye di l'Intrè-Samp-èt-Moûse,
Coboye a l'Ouèss' du Condroz,
Naulène, c'èst mya kè l'O-aye-o

Dj'a mès pîds dins l'berdouye, mès ça m'fét branmint d'bén,
Dji n'vos stitche né dès couyes, tout fèl, on n'a jamay rén...
Sins nos-autes lès cinsîs, n'aureut rén n-a mougnî,
Pont d'frites sins canadas,
Pont d'laurd sins lès pourchas,
On m'dîra t'ègzagère! Mès godome in n-ambûrguère,
Ça n'èst k'in vitoulèt stitchî dins-in pistolèt...

Dji seû coboye a l'ouèss' du Condroz,
Naulène vaut bén le Colorado,
Dji seû z-in pôve coboye èt patavau lès voyes,
T'ossi râde k'èl vint d'bîje, su lès tchavéyes, lès tîdjes,
Dji pèdale come in sot, o...o...o...su m'pèdale stîle vélo...